السلام عليكم ورحمة الله وبركاته. تسُرّنا زيارتكم للمدونة، ونسأل الله أن ينفعكم بمحتواها ويزيدكم من فضله

الثلاثاء، 4 أغسطس 2015

كشكول ١٠٣٢: مبتعث من وادي الدواسر بالسعودية أخذ أمه المؤمنة الموحدة إلى ديار الكفار بأمريكا


جاءتني على الواتساب
مبتعث من وادي الدواسر بالسعودية 
أخذ أمه المؤمنة الموحدة … إلى ديار الكفار بأمريكا فكانت هذه الرائعة:
يقول فرج الدوسري :
عندما كنت في بعثة الماجستير في أمريكا أقامت معي والدتي الكريمة (حصة بنت محمد المهنا التميمي) أربعة أشهر أجرت خلالها فحوصات طبية ، وفي أحد الأيام الربيعية الجميلة أخذتها إلى منطقة خضراء غنَّاء وهي (بلس فيردس) من ضواحي مدينة (لوس انجلوس الأمريكية) ، وكنت أثناء تجوالنا في تلك الضاحية حيث الخضرة والنضرة والجو الجميل ، والماء الجاري والطيور والمرعى ، كنتُ أثني على ما نرى (لأدخل السرور على قلبها) فأقول :
• انظري يا أمي، ما أحسن هذا، وما أجمل ذاك ...
• لكنها كانت تقابل كلماتي بصمت 
وأمي للعلم شاعرة ثم لم أشعر إلا وقد أجابتني وقالت:-
• الزين والله شوف وادي حنيفة
مهيب ديرة كافرينٍ خبيثين
أبي ديار أهل الطبوع الظريفة
اللي على طبع الأجاويد رابين
أهل الكرم وأهل النفوس الشريفة
وإذا أَذَّن المذن يقومون عجلين
بيوتهم فيها قهاوي وضيفة
ويقلّطون الضيف في العسر واللين
قصورهم دايم وساعٍ منيفة
مهوب كوخٍ فيه كلب وعجوزين !!
عسى ديار العز دايم مريفة
اللي هل التوحيد فيها مقيمين
ينشي لها نوٍ سريع رفيفة
يسقي جميع نخيلها والبساتين
ومن البرد زخات ثلج خفيفة
تطهر أرض بلادنا للمصلين
عساه يسقي جو من مزن صيفه
ينشي عليه الغيم مدة سبوعين
تسمع لواديهم إذا أقبل وحيفه
يسقي المزارع عقب ما هم بعطشين
ولا زلّ فصل الصيف يمطر خريفه
ترعى مواشيهم من العشب فصلين
عسى السعودية بعزٍ وكيفة
اللي إلا طرّيتها تدمع العين
فرقا مرابينا علينا كليفة
الله يرجعنا عليها سليمين
ودي بفرقا أهل الوجيه المخيفة
ناسٍ بوسط السوق يمشون عارين
أنذال ما فيهم من الرب خيفة
ما عندهم شيمة ولا عندهم دين
عبّادة الدنيا ذممهم ضعيفة
ويحاربون الدين مثل الشياطين!!
يا شيخ ما عندك علومٍ ظريفة ؟
ما كلموك اللي على الدين ناشين ؟
أهل الشهامة والنفوس العفيفة
اللي على ستر المحارم حريصين
يا زين صف أهل القلوب النظيفة
ويا زين ضجتهم إذا قالوا آمين…
يقول :
فما عُدتُّ أرى حُسناً بأمريكا كُلها وأَيُّ حسنٍ بعد أرض أهل التوحيد والموحدين؟!

صح لسانج والله يالتميميه